திரையிசைப் பாடல்களில் இலக்கணக் கூறுகள்



டாக்டர் மா.தியாகராசன் துணைப்பேராசிரியர் நன்யாங் தொழில்நுட்பப் பல்கலைக்கழகம் தேசியக் கல்விக்கழகம், சிங்கப்பூர்


முன்னுரை
திரையிசைப்பாடல் என்றதுமே அதுவொரு பொழுது போக்குக்கு உரிய ஒன்று என்று அனைவரும் முடிவு கட்டிவிடுவர். ஆனால் சில வேளைகளில் சிந்தித்துப் பார்த்தால் அதிலும் சில பயனுள்ள கருத்துக்கள் இருப்பதை அறியலாம். கல்வி பயில்வோர்க்கும், பயிற்றுவோர்க்கும் இலக்கண அறிவு இன்றியமையாததாகும் அதுவும் சிறப்பாகக் கல்லூரிகளில் – பள்ளிகளில் இது மிகமிக இன்றியமயாதது, திரையிசைப்பாடல்களில் இலக்கணக் கூறுகளும் அமைந்துள்ளன. ‘இலக்கணம்’ என்றால் தொடக்கநிலை, உயர்நிலை, தொடக்கக்கல்லூரி என்ற நிலைகளில் பயிலும் மாணவர்களுக்கு ‘வேம்பு’ போல் இருக்கிறது. ஆனால் இலக்கணம் என்பது வேழமாக இனிக்கும் என்பதில் எள்ளளவும் ஐயமில்லை!
திரையிசைப் பாடல்களில்
திரையுலகம் அனைத்துத் தரப்பு மக்களையும் சென்றடையக் கூடியது. அதன்மூலம் நாம் ஒரு செய்தியைக் கூறினால், உடனே புரிந்து கொள்ளும் தன்மை, யாருக்கும் உண்டு. இதில் வரும் இலக்கணங்கள் இனிப்புத் தடவப்பட்ட ‘கசப்பு மாத்திரைகள் ‘ என்று கூறலாம். இங்கே சில சான்றுகள்;
1. அடுக்குத்தொடர்; “ஓடிஓடி உழைக்கனும் ஊருக்கெல்லாம் கொடுக்கனும்”.
2. இரட்டைக்கிளவி “ஜல்ஜல் எனும் சலங்கை ஒலி சலசல எனச் சாலையிலே!”
3. சினைப்பெயர், “பூபூவா பறந்து போகும் பட்டுப்பூச்சி அக்கா!”
4. பொருட்பெயர் : “கண்ணன் என்னும் மன்னன் பெயைச் சொல்லச் சொல்ல”
5. இடப்பெயர்: “வீடு வரை உறவு வீதிவரை மனைவி!”
6. காலப்பெயர் : “வெள்ளிக்கிழமை விடியும் வேளை வாசலில் கோலமிட்டேன்!”
7. குணம் அல்லது பண்புப்பெயர்: அச்சம் என்பது மடமையடா அஞ்சாமை
திராவிடர் உடமையடா!”
8. தொழில் பெயர் “ஆடலுடன் பாடலைக் கேட்டு ரசிப்பதிலே தான் சுகம்! சுகம்!”
9. இறந்தகாலப்பெயரெச்சம்: “வந்த நாள் முதல் இந்த நாள் வரை வானம்
மாறவில்லை!”
10. எதிர்காலப்பெயரெச்சம்: “ஓடும் மேகங்களே ஒரு சொல் கேளீரோ?”
11. இடவாகுபெயர்: “உலகம் ஆயிரம் சொல்லட்டுமே உனக்கு நீ தான் நீதிபதி”
12. எதிர்மறைப் பெயரெச்சம் : “துள்ளாத மனமும் துள்ளும் சொல்லாத கதைகள்
சொல்லும்”
13. குறிப்புப்பெயரெச்சம்: அழகிய தமிழ்மகள் இவள் இரு விழிகளில் எழுதிய மடல்!”
14. ஈறுகெட்ட எதிர்மறைப்பெயரெச்சம் : “வாசமில்லா மலரிது வசந்தத்தைத் தேடுது”
15. வன்றொடர்க் குற்றியலுகரம் : “முத்துப்பல் சிரிப்பென்னவோ முல்லைப்பூ
விரிப்பென்னவோ!”
16. நெடிற்றொடர்க் குற்றியலுகரம் : ‘நாடு அதைநாடு அதை நாடாவிட்டால் ஏது வீடு”
17. உயிர்த்தொடர்க்குற்றியலுகரம்: “ஞாயிறு ஒளி மழையில் திங்கள் குளிக்க வந்தாள்”
18. இரண்டாம் வேற்றுமை உருபு : நிலவைப்பார்த்து வானம் சொன்னது என்னைத்
தொடாதே”
19. மூன்றாம் வேற்றுமை உருபு : “உன்னால் முடியும் தம்பி’ தம்பி”
20. பெயர்ப் பயனிலை : “காலங்களில் அவள் வசந்தம் கலைகளிலே அவள் ஓவியம்”.

சிங்கை டாக்டர் மா.தியாகராசன்
drthyagarajan2010@gmail.com

இலக்கிய பகிர்வுக்கு நன்றீ

--
திரையிசைப்பாடல்களில் இலக்கணக் கூறுகளும் அமைந்துள்ளன எனபதை
பட்டியலிட்டமைக்கு நன்றி...
-
அன்புடன்
அ.இராமநாதன்

அருமையான தகவல்..!!!

நல்ல தகவலை வழங்கிய உங்களுக்கு நன்றிகள்

உங்களின் இனிமையான வாழ்த்துக்கும் பாராட்டுக்கும் மிக்க நன்றி!
இதைப்போன்று தொடர்ந்து வாழத்தியும் பாராட்டியும் வருவது என்னுள் ஒரு புதுவிதத் தெம்பைபயும் உத்வேகத்தையும் கொடுக்கிறது. நீங்கள் வாழத்துகிற வாழத்தும் பாராட்டும் எனக்கு ஒரு வித ஊக்கமருந்தாகவும் அமைகிறது.
அன்புடன்
சிங்கை டாக்டர் மா.தியாகராசன்

அருமையான தகவல் தொடரட்டும் உங்கள் பணி