ஹைக்கூ???

by **கவியருவி ம. ரமேஷ்** Mon Mar 07, 2011 12:59 pm

‘ஹைக்கூ’ ஜப்பானிய மொழிக் கவிதை. 5 அடிகள் கொண்டது. ஜென் தத்துவத்தோடு இயற்கை மற்றும் மெய்யியலோடு தொடர்பு கொண்டது. கவித்துவம் கொண்டது. இந்தியாவின் (தமிழ்நாடு உள்பட) சூழலுக்கு ஜப்பானிய ஹைக்கூவின் உள்ளடக்கக் கோட்பாடு பொருந்தி வராது என்ற போதிலும் எப்படியோ இந்தியாவில் (தமிழ்நாடு உள்பட) ஓர் இலக்கிய வடிவமாக / கவிதையாக இடம் பிடித்துவிட்டது. பெரும்பான்மையாக தமிழ்நாட்டு ஹைக்கூ 3 அடிகள் கொண்டு எழுதப்படுகிறது. அவ்வாறு 3 அடிகள் கொண்டு எழுதப்படுவதை தமிழ் அறிஞர்களால் ஏற்றுக்கொள்ளப்பட்டதோடு ‘ஹைக்கூ’ வடிவமாகவும் அங்கீகரித்துள்ளார்கள்.

இந்தியாவின் (தமிழ்நாடு உள்பட) சூழலுக்கு ஜப்பானிய ஹைக்கூவின் உள்ளடக்கக் கோட்பாடு பொருந்தி வராது என்ற போதிலும் தமிழ் ‘ஹைக்கூ’ இயற்கை, மெய்யியல் மற்றும் கவித்துவம் கொண்டதாக இருப்பது சிறப்பு. இன்று எழுதப்படுவதெல்லாம் ‘புதுக்கவிதை’ என்பது போல ‘ஹைக்கூ’ பற்றிய சரியான புரிதல் இல்லாமல் 3 அடிகள்கொண்டு எழுதப்படுவது எல்லாம் ‘ஹைக்கூ’ என்பதால் ஹைக்கூவின் உள்ளடக்கம் தாழ்ந்துபோய் உள்ளது. ஜப்பானிய ஹைக்கூவின் தமிழ் மொழிபெயர்ப்பை தவிர்த்து விட்டால் 1974ல் கவிக்கோ அப்துல் ரகுமான் தமிழில் முதன்முதலாக ஹைக்கூ படைத்துள்ளார். இன்று பல ஆயிரம் பேர் தமிழில் ஹைக்கூ எழுதி வருகிறார்கள். தமிழில் ‘ஹைக்கூ’விற்கென்றே சில தனி சிற்றிதழ்கள் வெளிவந்து கொண்டுள்ளன.

ஹைக்கூ பற்றியும் தெரிந்து கொண்டேன் என் நெடு நாள் சந்தேகம் தீர்ந்தது... அறிந்து கொள்ள தந்தமைக்கு நன்றி. நண்பரே ரமேஷ்.. இன்னும் பல தகவல்களை அறிய தாருங்களேன்...

by **அ.இராமநாதன்** Mon Mar 07, 2011 1:18 pm

ஹைகூ விளக்கம் அருமை..
---------------------------------
[You must be registered and logged in to see this image.]
மேலும் சில தகவல்கள்:-
--
கவிஞர் அறிவுமதி தமது ஒரு தொகுப்பில்,
“சக மனிதர்களோடு மட்டுமின்றி,
தளிர்களோடும்,
மொட்டுக்களோடும்,
சருகுகளோடும்,
தும்பிகளோடும்,
வண்ணத்துப் பூச்சிகளோடும்,
குயில்களோடும்,
நட்சத்திரங்களோடும்,
கடலின் ஆழங்களோடும்,
காற்றின் அசைவுகளோடும்
நம்மை நட்பு கொள்ளத் தோன்றும் அற்புத வடிவம்தான் ஹைகூ” என்று கூறியுள்ளார்.