1. உரைநடை, கட்டுரை, அனுபவம் பிறவும்…
                 2. கதையும் கதை சார்ந்த நிமிட கதை, சிறுகதை, கதை பிறவும்...
                 3. கவிதை வகையைச் சார்ந்த புதுக்கவிதை, வசன கவிதை, கதைக்கவிதை பிறவும்…
                 4. ஹைக்கூ, சென்ரியு, லிமரைக்கூ, ஹைபுன் பிறவும்…
                 5. நகைச்சுவை
என்ற பிரிவுகள் அனைத்தும் (காதலி) என்பதைச் சார்ந்தே படைப்புகளைப் படைத்துத் தோட்டத்தின் இலக்கியப் போட்டிகளின் சோலை பகுதியில் http://www.tamilthottam.in/f95-forum பதிய வேண்டும்.

இவ்வாறு நாம் செய்வது ஒரு தலைப்பின் கீழ் நாம் பல்சுவையை அனுபவிக்க முடியும். இது தமிழ்த் தோட்டத்தின் போட்டி புதுமையும் ஆகும்.





1. மாதந்தோறும் 1,2,3 ஆகிய தேதிகளில் போட்டிக்கானத் தலைப்பு கொடுக்கப்படும். 29ஆம் தேதி போட்டிக்குப் படைப்புகளை பதிய கடைசி நாளாகும். முடிவுகள் மாத இறுதியில் (30,31 அல்லது மாதத்திற்கு 30 நாள் என்றால் 1 ஆம் தேதி) அறிவிக்கப்படும்.

2. போட்டியின் நடுவர்களாக நம் தோட்டத்தின் வலை நடத்துநர்கள் காப்பாளர்கள் கூட்டாகச் செயல்படுவார்கள் (இவர்களும் போட்டிகளில் கலந்து கொள்ளலாம்). இவர்களுக்குப் போட்டிக்குரிய பரிசுப் படைப்புகளை எவ்வாறு தேர்ந்தெடுக்க வேண்டும் என்ற நெறிமுறைகள் வகுத்து தெரிவிக்கப்பட்டுள்ளது. இவர்கள் (29,30) ஆம் தேதிகளில் போட்டிக்கான படைப்புகளை பரிசிலித்து தேர்வு செய்வார்கள். 30 மாலை அல்லது 31ஆம் தேதிகளில் போட்டி முடிவு அறிவிக்கப்படும்.

3. ஒருவர் எந்த பிரிவின் கீழும் எத்தனை படைப்புக்கள் வேண்டுமானாலும் பதியலாம்.

4. இதற்காக நம் தோட்டத்தில் இலக்கியப் போட்டிகளின் சோலை என்ற தனி பகுதி உருவாக்கப்பட்டிருக்கிறது. இந்தப் பகுதியிலேதான் http://www.tamilthottam.in/f95-forum(இந்த இழையிலேதான்) அனைத்து போட்டிப் படைப்புகளும் தனித்தனியாகப் பதிய வேண்டும். எடுத்துக்காட்டுக்கு, கவிதை என்ற திரியில்தான் போட்டிக்குப் பதிய வேண்டிய அனைத்து (அனைவரின்) கவிதைகளும் இடம்பெறுமாறு பதிய வேண்டும். அதற்கு மறுமொழியிட (REPLY) என்பதை கிளிக் செய்து பதிவது உங்களுக்குத் தெரியாதது ஒன்றுமில்லை. போட்டிக்கான பதிவுகளில் தோட்ட உறவுகள் கமென்ட் கொடுக்கவும்… பாராட்டுரைக்கவும் அனுமதிக்கப்படுகிறது.

5. போட்டிக்கான படைப்புகள் புதிதாகவும் சொந்தப் படைப்பாகவும் இருக்க வேண்டும் (புகைப்படத்துக்கு பொருந்தாது). இதற்கு முன்னர் வேறு தளங்களில் பதியப் பட்டிருக்கக் கூடாது (புகைப்படத்துக்கு பொருந்தாது). போட்டி முடிவை அறிவித்த பின்னர் மற்ற தளங்களிலும் பிளாக்கிலும் மின்னஞ்சலில் பறிமாறிக்கொள்ள தடையில்லை.

6. வெற்றிப் பெற்றவர்களின் பயனர் தகவலறையில் கோப்பைகள் பரிசு சின்னமாக கொடுக்கப்படும். ஒருவர் எத்தனை முறை பரிசு பெற்றாலும்  அவருக்குக் கோப்பை கொடுக்கப்படும்.





1.நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) அந்தந்தப் போட்டிக்குரிய பதிவிலேயே பரிசுக்குரிய முதல் மூன்று படைப்புகளைக் குறிப்பிட்டு அதன் சம்மதமான அனைத்து ஆலோசனைகளையும் கருத்துகளையும் பகிர்ந்துகொள்ள வேண்டும்.நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) ஒரு போட்டிப் பிரிவில் வேறு வேறு படைப்புகளை முதல் மூன்று இடத்துக்கு முன்னிருத்தியிருந்தால் கவியருவி ம. ரமேஷ் அவர்களும் இராமநாதன் ஐயா அவர்களும் இறுதியாக ஆலோசித்து முறையான மூன்று பரிசுக்குரிய படைப்பை பரிந்துரை செய்வார்கள்.

2.பரிசுக்குரிய படைப்புகள் சமுதாய மாற்றத்தை முன்னெடுத்துச் செல்வதாக அமைந்திருக்க வேண்டும் அல்லது அழகியலை முன்னிருத்துவதாகவும் இலக்கியநயங்களை உள்ளடக்கியதாகவும் அமைந்திருக்கிறதா என்பதை நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) கருத்தில் கொள்ள வேண்டும். நடுவர்கள் அனைவரும் படைப்பாளியை முன்னிருத்தாமல் படைப்பை முன்னிருத்தி பரிசுக்கு பரிந்துரை செய்யவேண்டும். சிறந்த படைப்புக்குத்தானே பரிசே தவிர படைப்பாளிக்கு அல்ல என்பதை கருத்தில் கொள்ளவேண்டும்.

3. நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) தங்களின் படைப்புகளைத் தாங்களே கூட முதல் மூன்று இடங்களுக்கு பரிந்துரை செய்யலாம். அவ்வாறு நடுவர்கள் தங்கள் படைப்புகளை பரிசுக்கு முன்னிருத்தியிருப்பின் அவர்களின் படைப்புகளை கவியருவி ம. ரமேஷ் அவர்களும் இராமநாதன் ஐயா அவர்களும் ஆலோசித்து பரிசுக்கு உரியதைத் தேர்ந்தெடுப்பார்கள்.

4.பரிசுக்குத் தேர்ந்தெடுத்து முதல் மூன்று இடங்களை அறிவிப்பதற்கு முன்பாக பரிசுக்குரிய படைப்புகள் வேறு தளங்களில் பதியப்பட்டுள்ளதா? என்று சோதித்து பார்க்கப்படும். அவ்வாறு இடம் பெற்றிருப்பின் தேர்ந்தெடுத்த பரிசை நிராகரித்து வேறு படைப்பை பரிசுக்குத் தேர்ந்தெடுக்கப்படும் ( இது புகைப்படத்துக்குப் பொருந்தாது).

5.மேற்கண்ட நெறிமுறைகள் தோட்டத்தில் நடத்தப்படும் போட்டியானது ஒளிவுமறைவின்றி நடைபெறுவதை உறுதி செய்கிறது. எனவே, போட்டி நடுவர்களை எந்தக் காரணத்தைக் கொண்டும் தவறாக நினைக்கவோ, அவர்களை மறைமுகமாகவோ நேராகவோ அவர்களின் மனம் வருந்தும்படி யாரும்  மறுமொழியிட கூடாது என்று கேட்டுக் கொள்ளப்படுகிறார்கள்.

(தோட்ட உறவுகள் ஏதேனும் இன்னும் போட்டிக்கான ஆலோசனை கூறினால் அதையும் தேவைப்படின் சேர்த்துக் கொள்ளலாம்.)

ஐயாவின் கருத்துகள் மிக முக்கியம்

உறவுகளின் ஆலோசனையை எதிர்பார்க்கிறோம்

போட்டி நடுவர்களுக்கான நெறிமுறைகள் வகுத்துக் கொண்டு இருக்கிறோம்...

விரைவில் பதிகிறோம்.

போட்டியின் விதிமுறைகள் ஏற்புடையதாக உள்ளன.நல்ல முயற்சியும் கூட வாழ்த்துக்கள்!

நடுவர்களுக்கான நெறிமுறைகள் வகுக்கப்பட்டுள்ளன. நடுவர்கள் நெறிமுறைகளில் மாற்றங்கள் வேண்டின் நடுவர்களாகச் செயலாற்ற இருப்பவர்கள் கருத்துரைக்கவும்...

கவியருவி ம. ரமேஷ் wrote:
3. நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) தங்களின் படைப்புகளைத் தாங்களே கூட முதல் மூன்று இடங்களுக்கு பரிந்துரை செய்யலாம். அவ்வாறு நடுவர்கள் தங்கள் படைப்புகளை பரிசுக்கு முன்னிருத்தியிருப்பின் அவர்களின் படைப்புகளை கவியருவி ம. ரமேஷ் அவர்களும் இராமநாதன் ஐயா அவர்களும் ஆலோசித்து பரிசுக்கு உரியதைத் தேர்ந்தெடுப்பார்கள்.

இங்கேதான் வெகுவாக இடிக்கிறது. நானறிந்தவரையில், இதற்குமுன் இதுபோன்ற நடைமுறை எந்தவொரு போட்டியிலும் பின்பற்றப்பட்டதாகத் தெரியவில்லை. சற்றே ஆழமாக சிந்திப்பீர்களாயின் இதிலுள்ள சிக்கலை உணரலாம். முடிவுகளைத் தீர்மானிக்கும் குழுவில் உள்ளோர் போட்டிகளில் கலந்துகொள்ளும் ஆர்வத்துடன் இருப்பின், கலந்துகொள்ளாத சிலரை நடுவர்களாக நியமித்தல் நலம். இது எனது தாழ்மையான கருத்து. யாரும் தவறாக என்ன மாட்டீர்கள் என்று நம்புகிறேன். பரிசீலிக்கத் தக்க கருத்தாகத் தோன்றவில்லையெனில், விட்டுவிடலாம்.

பார்த்திபன் wrote:

கவியருவி ம. ரமேஷ் wrote:
3. நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) தங்களின் படைப்புகளைத் தாங்களே கூட முதல் மூன்று இடங்களுக்கு பரிந்துரை செய்யலாம். அவ்வாறு நடுவர்கள் தங்கள் படைப்புகளை பரிசுக்கு முன்னிருத்தியிருப்பின் அவர்களின் படைப்புகளை கவியருவி ம. ரமேஷ் அவர்களும் இராமநாதன் ஐயா அவர்களும் ஆலோசித்து பரிசுக்கு உரியதைத் தேர்ந்தெடுப்பார்கள்.

இங்கேதான் வெகுவாக இடிக்கிறது. நானறிந்தவரையில், இதற்குமுன் இதுபோன்ற நடைமுறை எந்தவொரு போட்டியிலும் பின்பற்றப்பட்டதாகத் தெரியவில்லை. சற்றே ஆழமாக சிந்திப்பீர்களாயின் இதிலுள்ள சிக்கலை உணரலாம்.

ஆமாம் நண்பரே... செயல்படுத்தி பார்ப்போம். சிக்கல் எழ வாய்ப்பே இல்லை. காரணம் அவர்களின் படைப்பை கவியருவி ம. ரமேஷ் அவர்களும் இராமநாதன் ஐயா அவர்களும்தான் தேர்வுக்கு உரியதெனின் தேர்ந்தெடுக்கப்போகிறார்கள். நடுவர்கள் என்பதற்காகப் போட்டியி்ல் கலந்துகொள்ள வேண்டாம் என்று தோட்டம் அவர்களைக் கேட்டுக்கொள்ளாது.

அவ்வாறு செயல்படுத்திச் சிக்கல் எழுந்தால் போட்டி நெறிமுறைகளில் நிச்சயமாக மாற்றங்கள் கொண்டு வரலாம் நண்பரே.

நல்ல முயற்சி எனக்கு பயிற்சி எடுப்பதற்கான வாய்ப்பாக கருதுகிறேன்.முடிந்தவரையில் எல்லா வைகையிலும் எனது பங்களிப்பை தர முயற்சிக்கிறேன்..
இந்த மாதத்திலிருந்து தொடங்குகிறதா இல்லை அடுத்த மாததிலிருந்தா?
இந்த மாதத்திலிருந்து என்றால் தலைப்பு என்ன?

மகிழ்ச்சி நண்பரே...

பொறுப்பை ஏற்றக் கொண்டமைக்கு பாராட்டுகள்.

போட்டி அடுத்த மாதம் முதல் தேதியிலிருந்துதான் துவங்குகிறது.

போட்டித் தலைப்பும் அடுத்த மாதம் முதல் தேதி அறிவிக்கப்படும்

" longdesc="90" /> " longdesc="90" /> " longdesc="90" /> " longdesc="90" /> " longdesc="90" />

வரவேற்க தக்கது, பாராட்டுக்கள் நடத்துனர்களே, இதன் மூலம் இன்னும் பல புதிய திறமையான படைப்பாளர்களை நாம் வெளிகொண்டுவரலாம்

அதற்காகத்தான் இந்த முயற்சி... பங்கு பெறுங்கள்... உலகுக்கு அடையாளம் கிடைக்கும்

சிறந்த முயற்சி, பாராட்டுகள்.
தோட்ட உறவு அல்லாத
சிறந்த அறிஞர்களை நடுவர்களாகப் பேணினால்
நன்மை தருமென நம்புகிறேன்.

முயற்சிக்கிறோம் நண்பரே... அதுவரை இப்படி நடத்தலாம் என்று எண்ணிக் கொண்டிருக்கிறோம்.

கருத்துக்கு மகிழ்ச்சிக்குரியதாக இருக்கிறது.

நல்ல முயற்சிக்கு வாழ்த்துக்கள்.

அருமையான முயற்சி அண்ணா

போட்டியில் பங்கு பெறுங்கள்... பாராட்டுகள்

பங்கு பெறுங்கள்... புகழ்பெறுங்கள்

நல்ல முயற்சி . எழுத்தாளர்களை ஊக்குவிக்கும் ஒரு பணியாகவும் அமைகின்றது . தொடருங்கள்

மகிழ்வுடன் மே மாதம் முதல் தேதியிலிருந்து தொடங்குகிறது

மே மாதத்துக்கான போட்டித் தலைப்பு - பூ (பூக்கள்)