தீபாவளி - கவிதை போட்டி முடிவு

by **கவியருவி ம. ரமேஷ்** Sat Nov 03, 2012 12:03 pm

தீபாவளி கவிதை போட்டி - போட்டிக்கான பதிவுகளை இந்தத் திரியிலேயே தொடர்ந்து மறுமொழியிட என்பதைப் பயன்படுத்தி பதிவிட அனைவரையும் கேட்டுக்கொள்கிறோம்.

by **கவியருவி ம. ரமேஷ்** Sun Nov 04, 2012 12:54 pm

ஆண்டிற்கு ஒரு முறை பார்த்துக்கொள்ள முடிகிறது

நகரத்தில்
எதிர் வீட்டில் வசிப்பவர்களை
ஆண்டிற்கு ஒரு முறை
பார்த்துக்கொள்ள முடிகிறது
தீபாவளியன்று
அதுவும் மாலையில்
பட்டாசு வெடிக்கும்போது!

பேச கூட நேரமிருப்பதில்லை
பட்டாசு வெடிக்கும்போது
கவனத்துடன் வெடிக்க வேண்டுமே!
அதனால் ஓரிரு வினாடி மட்டும்
பார்த்துக்கொள்ள முடிகிறது
ஆனால்
நலம் விசாரிக்க முடியவில்லை!

இதில் என்ன முரண்பாடு
இருந்துவிடப் போகிறது
பெற்றவர்களைக் கிராமத்தில்
தவிக்க விட்டுவிட்டு
நாம் மட்டும் சொகுசு வாழ்க்கை
வாழ முற்பட்டுவிட்டபோது
மனித நேயம் என்ன வேண்டிகிடக்கு!

மின்னஞ்சலிலும் முகநூலிலும்
மட்டுமே
தீபாவளி வாழ்த்துகள்
கூறிக்கொள்ளும் நமக்கு!

by **பார்த்திபன்** Thu Nov 08, 2012 5:52 pm

கொஞ்ச நாள் முன் செத்த
தாத்தாவுக்காக கொளுத்தக்கூடாதாம்
தீபாவளிப் பட்டாசு!
இறுதி ஊர்வலத்தில் மட்டும்
இரண்டாயிரம் ரூபாய்க்குப்
பட்டாசு வேடித்தோமே?
பவ்யமாய்தான் கேட்டேன்!
பட்டாசாய் வெடிக்கிறாள் அம்மா!

by **பார்த்திபன்** Fri Nov 09, 2012 7:23 pm

அலாரம் வைத்து
அதிகாலை எழுந்து
எண்ணெய் தேய்த்து
எல்லோரும் குளித்து
பலகாரம் எல்லாம்
பகவானுக்குப் படைத்து
பூசை முடித்து
புத்தாடை உடுத்தி
சிற்றுண்டிக் கணக்கை
சீக்கிரம் முடித்து
பட்டாசுகள் எல்லாம்
பாவமாய்க் காத்திருக்க
தொண்ணூறு சதவிகித
மிச்ச தீபாவளியை
தொலைத்தே விடுகிறோம்
தொலைக்காட்சிப் பெட்டிக்குள்!

by **ஹிஷாலீ** Thu Nov 15, 2012 6:22 pm

நான் நிலாவானேன்
உலாவரும் தீபாவளியில்
விடுதிப் பூவாய்

புத்தாடை வாசமில்லை
பலகாரப் பாசமில்லை

வெற்றாடை கோலத்தில்
வெண் மேகத்தை கண்டேன்

அங்கே ...
அழகு பட்டாசுகள்
ஆடை விரித்தன

கோடை வெயில் போல்
கோலமிட்டன

ஜாடைகள் காட்டி என்னை
சமாதானப்படுத்தியது
நச்சதிரங்கள்

ஆஹா இதோ பார்
உன் பெற்றோர்கள்
உலா வருகிறார்கள்
பின் ஏன் கண்களில்
கண்ணீர் துளிகள்

உனைப் போல்
எண்ணற்றத் துளிகள்
இங்கே வண்ணங்கள் கொண்டு
வாழ்கிறது உன் வருகையும்
அதே போல் வளரட்டும்

என் வான் மகளே
இனி உனக்கு
வரும் நாலெல்லாம்
தீபாவளியே !

by thamilnila Wed Nov 21, 2012 8:37 am

இதுவும் ஒரு வகை தீபாவளி...!!!

வெடிக்க
வண்ணமத்தாப்பு,
சுவைக்க
இனிப்பு பலகாரம்,
குடிக்க
கூலாக குடிபானம்,
உடுக்க
உயர்ரக புடைவை,
குதுகலிக்க
தியேட்டர் படங்கள்....
காதலிக்க
ஆண் / பெண்...

இது ஒருவகை தீபாவளி..!!

பட்டாசு தொழிற்சாலையில்
விடுமுறை இல்லாமல்
குழந்தை தொழிலாளர்கள்...

மலையக தோட்டங்களில்
போனசும் இல்லாமல்
பெண் தொழிலாளர்கள்...

அரபு வனங்களில்
சம்பளமே இல்லாமல்
இளம் தொழிலாளர்கள்..

சாலை ஓரங்களில்
உணவே இல்லாமல்
கூலி தொழிலாளர்கள்...

ஒழுகும் குடிசைகளில்
உடையே இல்லாமல்
முதிய தொழிலாளர்கள்..

இதுவும் ஒரு வகை தீபாவளி...!!!

உலக தொழிற்சாலையில்
நாம் எல்லாம் தொழிலாளர்கள்.. தான்

இந்த நாளில் எல்லோரும்
முடிவெடுங்கள்...
ஒருவர் ஒருவரையாவது
வாழவையுங்கள்..
--------
அன்புடன் தமிழ் நிலா

by **கவியருவி ம. ரமேஷ்** Sat Dec 01, 2012 6:32 pm

முதல் இடம்

by பார்த்திபன் on Thu Nov 08, 2012 4:22 pm

கொஞ்ச நாள் முன் செத்த
தாத்தாவுக்காக கொளுத்தக்கூடாதாம்
தீபாவளிப் பட்டாசு!
இறுதி ஊர்வலத்தில் மட்டும்
இரண்டாயிரம் ரூபாய்க்குப்
பட்டாசு வேடித்தோமே?
பவ்யமாய்தான் கேட்டேன்!
பட்டாசாய் வெடிக்கிறாள் அம்மா!

இரண்டாம் இடம்

by thamilnila on Wed Nov 21, 2012 7:07 am

இதுவும் ஒரு வகை தீபாவளி...!!!

வெடிக்க
வண்ணமத்தாப்பு,
சுவைக்க
இனிப்பு பலகாரம்,
குடிக்க
கூலாக குடிபானம்,
உடுக்க
உயர்ரக புடைவை,
குதுகலிக்க
தியேட்டர் படங்கள்....
காதலிக்க
ஆண் / பெண்...

இது ஒருவகை தீபாவளி..!! ...

மூன்றாம் இடம்
by ஹிஷாலீ on Thu Nov 15, 2012 4:52 pm

நான் நிலாவானேன்
உலாவரும் தீபாவளியில்
விடுதிப் பூவாய்

புத்தாடை வாசமில்லை
பலகாரப் பாசமில்லை

வெற்றாடை கோலத்தில்
வெண் மேகத்தை கண்டேன்

அங்கே ...
அழகு பட்டாசுகள்
ஆடை விரித்தன...