தீபாவளி - உரைநடை, கட்டுரை, அனுபவம் பிறவும்… போட்டி முடிவு

by **கவியருவி ம. ரமேஷ்** Sat Nov 03, 2012 12:05 pm

தீபாவளி - உரைநடை, கட்டுரை, அனுபவம் பிறவும்… போட்டிக்கான பதிவுகளை இந்தத் திரியிலேயே தொடர்ந்து மறுமொழியிட என்பதைப் பயன்படுத்தி பதிவிட அனைவரையும் கேட்டுக்கொள்கிறோம்.

by **ருக்மணி** Sat Nov 03, 2012 12:34 pm

தீபாவளி னு சொன்னதும் எல்லாருக்கும் நினைவில் வருவது புத்தாடை , வித விதமான இனிப்பு வகைகளுடனான விருந்து... இதெல்லாம் விட விளையாட்டு வயதில் இருக்கும் சிறுவர் , சிறுமிகளுக்கு நினைவில் இருப்பது பட்டாசு. பத்து வருடங்களுக்கு முன் என் கண் முன்னே கண்ட சம்பவம் என் நினைவில் அப்படியே இருக்கிறது.

என் வீட்டின் எதிர் வீட்டில் ஒரு சிறுவன். வயது 3 முதல் 5 குள் தான் இருக்கும். தீபாவளி மகிழ்ச்சியில் எல்லாரும் வெடி வெடிக்கும் கொண்டாட்டத்தில் இருந்தனர். இரவு வேளையில் வாசலில் கார்த்திகை விளக்கு ஏற்றி வைத்திருந்தனர். இந்த சிறுவன் கீழே வைத்திருந்த ஆட்டம் பாம் எடுத்து விளக்கில் காட்ட அது அந்த சிறுவன் கையிலே அப்படியே வெடித்தது. கை முழுவதும் ரத்தம் சொட்ட சொட்ட மருத்துவமனைக்கு அழைத்துக் கொண்டு ஓடினர். அந்த ஆண்டு வரை வெடி என்றால் ஒரு சின்ன பயம் இருந்த எனக்கு அன்று முதல் வெடி என்றால் ஒரு வித வெறுப்பும் ஏற்பட்டு விட்டது. அன்றிலிருந்து வெடியை கையால் தொடுவது கூட இல்லை..

தீபாவளி கொண்டாட்டம் , மகிழ்ச்சி மிக முக்கியம். அதை காட்டிலும் முக்கியம் நம் பாதுகாப்பு. வெடி வெடிக்கும் போது வீட்டில் உள்ள சிறுவர் சிறுமிகளை யாரேனும் கண்காணித்து கொண்டே இருங்கள். பெரியவர்களும் கையிலே வைத்துக் கொண்டு சாகசம் செய்வது, வெடிக்காத வெடி சீண்டி பார்ப்பது இவற்றை தவிர்த்தால் விழாவின் மகிழ்ச்சியை முழுமையாக கொண்டாடலாம். முக்கியமாக வீட்டை விட்டு வாசலுக்கு சென்றால் கூட செருப்பு அணிந்தே செல்லுங்கள் . இதை கடை பிடித்தாலே ஒவ்வொரு தீபாவளியும் இனிய நாளாகவே அமையும்.

by **கவியருவி ம. ரமேஷ்** Sat Nov 03, 2012 12:46 pm

எத்தனை சீக்கிரமாய் ஒரு பதிவு... பாராட்டுகள்...
தீபாவளி - உரைநடை, கட்டுரை, அனுபவம் பிறவும்… போட்டி முடிவு Tblgeneralnews_36554682255

by **அ.இராமநாதன்** Sat Nov 03, 2012 2:26 pm

by **அ.இராமநாதன்** Sat Nov 03, 2012 4:19 pm

தீபாவளி - உரைநடை, கட்டுரை, அனுபவம் பிறவும்… போட்டி முடிவு Tamil-Daily-News-Paper_3786432744

-
திபாவளி பண்டிகையை கொண்டாட சொந்த ஊர் சென்று வர
பொதுமக்கள் படும்பாடு மிகவும் கஷ்டமானதுதான்.
-
அரசு போக்குவரத்து கழங்கள் மூலம் இயக்கப்படும் விரைவு பஸ்களில்,
மக்களின் தேவைகளுக்கு போதுமான இடம் இல்லை. எனவே அவர்கள்
ஆம்னி பஸ்களை நம்பி செல்ல வேண்டிய கட்டாயம் உள்ளது.

இந்த சந்தர்ப்பத்தை பயன்படுத்தி, பெரும்பாலான ஆம்னி பஸ்கள்
கட்டணத்தை பல மடங்கு உயர்த்தி வசூலிக்கின்றன.
பஸ்களுக்கு நிர்ணயிக்கப்பட்டு இருக்கும் பயணிகள் எண்ணிக்கையை விட,
அதிக அளவில் ஏற்றி செல்கிறார்கள்.
கேள்வி கேட்கவே முடியாது. கேட்டால் சென்னையில் சோக தீபாவளி தான்.
-
பண்டிகை காலங்களில், போக்குவரத்து நெரிசலையும் சமாளிக்க வேண்டியுள்ளது..
இதற்கான தீர்வாக அரசு தக்க நடவடிக்கை மேற்கொள்ள வேண்டும்
-

by **அ.இராமநாதன்** Thu Nov 08, 2012 12:42 pm

தீபாவளித் திருநாளை பிற நாடுகளிலும் கொண்டாடுகின்றனர்
-
மலேஷியாவில் தீபாவளி பண்டிகை ஒரு தேசியத் திருநாளாக
அனுசரிக்கப்பட்டு, பொது விடுமுறை விடப்பட்டுள்ளது.
மிகப் பெரிய அளவில் தீபாலங்காரம் செய்யப்படுவதோடு, அன்று
இரவு வாணவேடி“கைகளும் சிறப்புற நிகழ்த்தப்படுகின்றன.

பெரிய அளவில் ராம்லீலா நிகழ்ச்சிக்கும் ஏற்பாடு செய்கின்றனர்.
சீதையை மீட்டப் பிறகு, ஸ்ரீராமன் ஊர் திரும்பிய மகிழ்ச்சிக்கு
அடையாளமாகவே மலேஷியாவில் தீபாவளி கொண்டாடப்படுகிறது.

ஸ்ரீலஷ்மி வெளிப்பட்டுத் தோன்றிய நிகழ்ச்சியை அவர்கள்
தீபாவளியோடு எவ்விதத்திலும் தொடர்பு படுத்திக் கொள்ளவில்லை.
அந்த நாட்டுக்கு என்று தனியான ராமாயணமே உண்டு.
“ஹிகாயத் சிறீராம்’ என்று பெயர்.
-
தாய்லாந்து நாட்டில் இத்தீபாவளி “கிரான்சோங்’ என்ற பெயரில்
கொண்டாடப்படுகிறது. அன்றைய தினம் தாய்லாந்தினர் வாழை
இலைகளால் சிறுசிறு கிண்ணங்கள் - அதாவது, தொன்னைகள்
செய்து, அதனுள் எரியும் மொழுகுவர்த்தியை வைத்து அதை
நதிப் பிரவாகத்தில் மிக்க விடுகின்றனர்.
-
மேலே கூறப்பட்ட நாடுகளைத் தவிர மியானமர், லாவோஸ்,
வியத்நாம், இந்தோனேஷியா, மற்றும் சிங்கப்பூர் ஆகிய நாடுகளிலும்
இந்த தீபாவளித் தினத்தன்று “ராம்லீலா’ நிகழ்ச்சி நடத்தப்பட்டுத்
திபாலங்காரத்துடன் இந்தத் தீபத்திருநாள் கொண்டாடப்படுகிறது.
-
(இணையத்தில் திரட்டியவை)

by **ஹிஷாலீ** Thu Nov 15, 2012 6:08 pm

"விசேசம் "
விழாவானது உலகில்
சொர்க்கத்தில் நரகாசுரன் ...!

"விசேசம்" என்பது இறந்து பதினாறாவது நாள் செய்யும் காரியத்தை குறிக்கும்

அப்படி என்றால் நாம் ஏன் தீபாவளியை சந்தோசமாக கொண்டாடுகிறோம் ?சொல்கிறேன்

இன்றைய காலத்தில் யார் வீட்டிலாவது ஒருவர் இறந்துவிட்டால் அவருக்கு காரியம் செய்ய 16 நாள் விசேசம் வைப்பார்கள் அன்று எண்ணை தேய்த்து குளித்து புத்தாடை அணிந்து அவர்களுக்கு பிடித்த பலகாரம் செய்து படையல் போட்டு விளக்கேற்றி வணக்கிய பின் அனைவரும் உண்பார்கள். அப்போது அந்த ஆன்மா சந்தோசத்தில் சொர்கத்தில் சேரும் என்பது நம் முன்னோர்கள் கருத்து !

அதே போல் தான் நாமும் இன்று அந்த நரகாசுரன் இறந்த நாளை தீபாளியாக கொண்டாடி மகிழ்கிறோம் அவன் என்ன நமக்கு சொந்தமா ? இல்லையே பின் ஏன் புதுத்துணி பலகாரம் செய்து கொண்டாடுகிறோம்.

அன்று அந்த நரகாசுரன் மக்கள் அனைவருக்கும் நரகத்தையே வாரி வழங்கினான் அதானால் இறைவன் மக்கள் அனைவரையும் அவன் இறந்த நாளை விழாவாகக் கொண்டாடி வந்தால் அவன் செய்த பாவம் நீங்கி நரகத்திற்கு பதிலாக சொர்கத்தை அடைந்துவிடுவான். அப்போது நரகாசுரனுக்கு மறுபிறவியே கிடையாது என்ற கருத்துக்கு இணங்க நாமும் அந்நாளை தீபாவளி திருநாளாக கொண்டாடுகிறோம்.

இதிலிருந்து என்ன தெரிகிறது!

நமக்கு தீங்கு செய்பவர்களுக்கு நாமும் தீங்கு செய்யாமல் இருந்தாலே போதும் எத்தனை ஜென்மம் எடுத்தாலும் உன்னை பலி வாங்குவேன் என்பவர்களுக்கு மறு பிறவி கிடைக்காது சோ நாமளும் சந்தோசமாக வாழலாம் ஒகே .

நன்றி !

by **கவியருவி ம. ரமேஷ்** Sat Dec 01, 2012 6:38 pm

முதல் இடம்

by ருக்மணி on Sat Nov 03, 2012 11:04 am

தீபாவளி னு சொன்னதும் எல்லாருக்கும் நினைவில் வருவது புத்தாடை , வித விதமான இனிப்பு வகைகளுடனான விருந்து... இதெல்லாம் விட விளையாட்டு வயதில் இருக்கும் சிறுவர் , சிறுமிகளுக்கு நினைவில் இருப்பது பட்டாசு. பத்து வருடங்களுக்கு முன் என் கண் முன்னே கண்ட சம்பவம் என் நினைவில் அப்படியே இருக்கிறது...

இரண்டாம் இடம்
by அ.இராமநாதன் on Sat Nov 03, 2012 2:49 pm

தீபாவளி பண்டிகையை கொண்டாட சொந்த ஊர் சென்று வர
பொதுமக்கள் படும்பாடு மிகவும் கஷ்டமானதுதான்...

மூன்றாம் இடம்
by ஹிஷாலீ on Thu Nov 15, 2012 4:38 pm

"விசேசம் "
விழாவானது உலகில்
சொர்க்கத்தில் நரகாசுரன் ...!