ரௌத்திரனின் "குற்ற நெஞ்சம்-காவியம்" (பகுதி-5)

by ரௌத்திரன் Sat Mar 16, 2013 3:21 am

கல்லூரி முதல்வர் மீண்டும்
--------கனிவுடன் எழுந்து நின்று
நல்லதோர் மதிப்பெண் பெற்று
--------நடந்திடு மாண வர்க்குப்
பல்வகைப் பரிசு தந்து
--------பாராட்டும் அளிக்கு மாறு
சொல்லிட பால சூர்யன்
--------சிறுநகை உதிர்த்தெ ழுந்தான்!

ஒவ்வொரு துறையி னுள்ளும்
--------ஓங்கிடு மாண வர்தம்
ஒவ்வொரு பெயரும் கூறி
---------விடுக்குமோர் அழைப்பிற் கேற்ப
ஒவ்வொரு வராக மேடை
---------ஏறினர்; பரிசு பெற்றார்!
அவ்வொரு வரிசை தன்னில்
---------இறுதியாய் அழகி சென்றாள்!

வருமெழிற் பெண்ணைப் பார்த்தான்
---------வயத்தினை இழந்தான்; அன்னாள்
அருகினில் வந்து நிற்க
---------அகத்தினை இழந்தான்; மஞ்சள்
திருமுகம் நோக்குங் காலை
----------தீயொன்று உயிரில் பற்றி
எரிவது அறிந்த காளை
---------"இதுகாதல்" என்று ணர்ந்தான்!

அழகியின் நிலையும் அஃதே
---------அதிலொரு மாற்ற மில்லை!
இளகிய மனத்தாள் தானும்
---------இழந்தனள் தன்னை; நெஞ்சக்
களவுகள் நடந்த தெல்லாம்
---------கண்முனே என்ற போதும்
தழுவிட நினைத்தா ரன்றி
---------தடுத்திட நினைத்தா ரில்லை!

விருதினை அளித்தான்; மங்கை
---------விரலையும் தொட்டு வைத்தான்!
திருமகள் தலைகு னிந்தாள்!
---------மீட்டுமே தலைநி மிர்ந்தாள்!
"விருதல பெண்ணே என்றன்
---------இருதயம் ஈது" என்னக்
கருதியே பார்த்தான்; அந்தக்
---------காரிகை ஏற்றாள்; சென்றாள்!

(காவியம்-தொடரும்)

-------ரௌத்திரன்

by **கவியருவி ம. ரமேஷ்** Sat Mar 16, 2013 8:33 am

வருமெழிற் பெண்ணைப் பார்த்தான்
---------வயத்தினை இழந்தான்; அன்னாள்
அருகினில் வந்து நிற்க
---------அகத்தினை இழந்தான்; மஞ்சள்
திருமுகம் நோக்குங் காலை
----------தீயொன்று உயிரில் பற்றி
எரிவது அறிந்த காளை
---------"இதுகாதல்" என்று ணர்ந்தான்!
மிக்க மகிழ்ச்சி

by ரௌத்திரன் Sat Mar 16, 2013 2:55 pm

நன்றி தோழரே!-----------ரௌத்திரன்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ரௌத்திரனின் "குற்ற நெஞ்சம்-காவியம்" (பகுதி-5)

ரௌத்திரனின் "குற்ற நெஞ்சம்-காவியம்" (பகுதி-5)

Re: ரௌத்திரனின் "குற்ற நெஞ்சம்-காவியம்" (பகுதி-5)

Re: ரௌத்திரனின் "குற்ற நெஞ்சம்-காவியம்" (பகுதி-5)

Re: ரௌத்திரனின் "குற்ற நெஞ்சம்-காவியம்" (பகுதி-5)