First topic message reminder :

விஸ்வரூபம் -கமல் மீது இஸ்லாமிய அமைப்புகள் சொல்லும் குற்றச்சாட்டுக்கள் என்னென்ன...?

சென்னை: இந்துக்களை புண்படுத்தும் வகையிலான காட்சிகளை வைத்ததாக இதற்கு முன்பு குற்றச்சாட்டுக்குள்ளான கமல்ஹாசன் இப்போது இஸ்லாமியர்களின் குமுறலுக்குள்ளாகியுள்ளார்.

பெரும் பொருட் செலவில் கமல்ஹாசன் நடித்து, இயக்கித் தயாரித்துள்ள விஸ்வரூபம் திரைப்படம் இஸ்லாமியர்களையும், இஸ்லாமையும் இழிவுபடுத்துவது போலவும், மோசமாக சித்தரிப்பதாகவும் உள்ளதாக இஸ்லாமிய அமைப்புகள் குற்றம் சாட்டியுள்ளன.

விஸ்வரூபம் படத்தைப் பார்த்த இஸ்லாமிய அமைப்புகளின் பிரதிநிதிகள், இப்படத்தில் இஸ்லாமியர்களை இதுவரை யாருமே இப்படி கேவலப்படுத்தியதில்லை என்றும் குமுறல் வெளியிட்டுள்ளனர்.

இஸ்லாமியர்கள் விஸ்வரூபம் படம் தொடர்பாக முன்வைத்துள்ள குற்றச்சாட்டுக்கள் இவைதான்...





நமாஸ் செய்து விட்டு கொலை

விஸ்வரூபம் படத்தில் தீவிரவாதியாக காட்டப்படும் நபர் முஸ்லீமாக காட்டப்படுகிறார். மேலும் எந்த ஒரு தீவிரவாத செயலையும் செய்யும் முன்பு அவர் நமாஸ் செய்வது போல காட்டி விட்டு பின்னர் கொலைச் செயலைக் காட்டுகின்றனர்



தீவிரவாதிகளின் கையேடா திருக்குரான்..?

இஸ்லாமியர்களின் புனித நூலான திருக்குரானை தீவிரவாதிகளின் கையேடு போல காட்டியுள்ளார் கமல்ஹாசன். அதாவது தீவிரவாத செயலில் ஈடுபடுவோர் கையில் திருக்குரான் இருப்பது போலவும், அதில் உள்ள வாசகங்களைப் படித்து விட்டு அவர்கள் தீவிரவாத செயலில் ஈடுபடுவது போலவும் காட்டுகிறார்.



கழுத்தை அறுப்பதை அப்பட்டமாக காட்டுகிறார்கள்

தீவிரவாதிகளாக சித்தரிக்கப்படும் இஸ்லாமியர்கள், மனிதர்களின் கழுத்தை அறுப்பதை தத்ரூபமாக சித்தரித்துள்ளனர்.இது இஸ்லாயமிர்கள் குறித்த பொதுமக்கள் மனதில் தவறான எண்ணத்தை பதிய வைக்கும் அப்பட்டமான முயற்சியாகும்.



மசூதிகள் தீவிரவாதிகளின் புகலிடமா?

மசூதிகளையும், பள்ளிவாசல்களையும் தீவிரவாதிகளின் புகலிடம் போல காட்டியுள்ளனர். உலமாக்களை தீவிரவாத தலைவர்கள் போல காட்டியுள்ளனர். அல்லாஹு அக்பர் என்ற புனித வாசகத்தை தீவிரவாதிகளின் சங்கேத பாஷை போல காட்டியுள்ளனர்



அமைதிப் புறாக்களையும் விடவில்லை கமல்

அமைதிக்குப் பெயர் போன புறாக்களையும் விடவில்லை கமல். அவற்றை அமெரிக்காவிலிருந்து யுரேனியம் கடத்தி வருவதாக காட்டியுள்ளார். மேலும் ஜிஹாத் செய்து சொர்க்கத்தை அடைவோம் என்று முஸ்லீம்கள் சொல்வது போலவும் காட்டியுள்ளார்.



தமிழர்களை இழிவுபடுத்தியுள்ளார்

முல்லா உமருடன் கமல் உரையாடுவது போல காட்சி வருகிறது. அதில் முல்லா உமர் தமிழில் பேசுகிறார். அதுகுறித்து கமல் கேட்கும்போது எனக்கு தமிழ் பிடிக்கும், மதுரை, கோவையில் நான் தங்கியுள்ளேன். தமிழ் ஜிஹாதிகள்தான் சிறந்தவர்கள், நம்பிக்கையானவர்கள் என்று கூறி தமிழர்களையும் மோசமானவர்களாக சித்தரித்துள்ளார்.

மொத்தத்தில் முஸ்லீம்கள் என்றால் தவறானவர்கள், மோசமானவர்கள், முரட்டுத்தனமானவர்கள், எதையும் செய்யத் துணிபவர்கள், தேசபக்தி இல்லாதவர்கள் என்பது போல இப்படத்தில் காட்டியுள்ளார்.எனவேதான் இந்தப் படத்தை எதிர்க்கிறோம் என்று கூறியுள்ளனர் இஸ்லாமிய அமைப்பினர்.

[You must be registered and logged in to see this link.]

இந்த படத்திற்கு தடை செய்ய தேவை இல்லை .படத்தை வெளியிட்டாலே ஒரு வாரத்தில் படம் பெட்டிக்குள் முடங்கிவிடும் .அவ்வளவு நல்ல படம்

படத்தை திரை இடும் உரிமையை மட்டும் தான் விற்கிறார் ஒரு பட உரிமையாளர்.. காப்பிரைட் சட்டத்தில் அடிப்படை தெரியாத முட்டாள்களின் வாதம் தான் இந்த அரசின் வாதமும்.. ஓட்டை விற்று விட்டதால் ஜனங்களுக்கு உரிமை இல்லை என்று நினைப்பவர் தானே இந்தம்மா... இவரோட அரசின் வாதமும் இப்படி விதண்டாவாதமாகத் தான் இருக்கும்.. இதைக் கேட்கும் அநீதிபதிகளும், அரசி(யி)ன் ஆணைக்கு அடங்கி அநீதியை வழங்குவார்கள்.. ஜனநாயகமும், சட்டமும் இவர்களுக்கு விளையாட்டுப் பொருட்களே..

இது ஏதோ ஒரு திரைப்படத்திற்கான சர்ச்சை மட்டும் அல்ல.. இந்த வழக்கு ஜனநாயகத்திற்கும் இந்த நாட்டின் அடிப்படை உரிமைகளுக்கும் விட்ட சவால்.. இந்த வழக்கில் விஸ்வரூபம் தோற்றுவிட்டது என்றால், நாட்டின் ஜனநாயகம் தோற்று விட்டது ஆகும், இது ஒரு கீழான முன்னுதாரணத்தை உருவாக்கும். ஓட்டு வங்கி அரசியல் ஊக்குவிக்கப்பட்டு தலைவிரித்தாடும்.. தடி எடுத்தவனுக்கெல்லாம் நீதி தேவதை வேசியாகி விடுவாள்.. பிற மதத்தவர்களும் கருத்துரிமையை ஒடுக்க முயற்சிப்பர்.. இந்த வழக்கில் விஸ்வரூபம் வெற்றி பெற வேண்டும் என்று எல்லாம் வல்ல இறைவனை வேண்டுவோமாக... ஜெய் ஹிந்த்

அதை ஒட்டு போட்டவர்கள் அல்லவா யோசிக்க வேண்டும்...மக்கள் விலையில்லா பொருட்களை எதிர் பார்த்தால் அரசியல் வாதிகளுக்கு நாட்டை விற்று விட்டு ஒட்டு கேட்க முழு தகுதி உண்டு...

அதை ஜெயா tv ku விக்க வில்லை. அதனால் தான கமலுக்கு இந்த தொல்லை

இன்னும் முஸ்லிம்கள் தான் காரணம் என்று சொல்லிக்கொண்டிருப்பவர்களுக்கு இப்போதாவது புரிந்து இருக்கும் யார் காரணம் என்று. சிதம்பரத்தை பிரதமர் என்று சொன்னால் நாங்கள் சும்மா விடுவோமா? அரசியல்வாதிகளின் அற்பமான விளையாட்டை புரிந்துகொள்ளுங்கள் மக்களே....... இவர்களின் சித்து விளையாட்டில் மக்களே நீங்கள் உங்கள் பகுத்தறிவை இழந்துவிடாதீர்கள்.

சமீபத்துல கமலும் rajiniயும் சிதம்பரம் புத்தக வெளியிட்டு விழாவுல கலந்துகிட்டு தமிழ்நாட்ல இருந்து பிரதமர் ஆகிற தகுதி் உங்களுக்கு இருக்கு , சிதம்பரத்த சொன்னதனால இந்த அம்மையார் தன் எதி்ர்பை இப்படி வரவச்சு கமல பனிய வைக்கிறங்களோனு எனக்கு ஒரு டவுட்டு? rajini sir உங்க அடுத்த பட வெளியீடு பிரச்சனைக்கு தயார் ஆகுங்கள்

கேவலம் ஓட்டுக்காக நல்ல திறமையுள்ள நடிகரை இப்படி பலிகடா ஆக்கலாமா. சினிமா என்பது பொழுது போக்கு ஊடகம். இதில் எங்கே வந்தது மதம். அப்படி பார்த்தால் தீவிரவாதி இல்லாத மதம் என்று ஒன்று இருக்கா இவ்வுலகில். ஹிந்தி படத்தில் காட்டாத தீவிரவாதத்தையா தமிழில் காட்டிவிட்டார்கள். எங்கே இவர்கள் வீரத்தை பம்பாயிலோ அல்லது பெங்களூரிலோ காட்ட முடியுமா. ஏன் என்றால் தமிழன் எதற்குமே ஒன்று சேர மாட்டான். இப்படியும் ஒரு அவப்பெயர் எடுக்கவேண்டுமா தமிழக அரசே....

தமிழக அரசு இந்த ஆட்சிக்கு வந்த பிறகு செய்யும் மாபெரும் முதல் பிழை இது. அனாவசியமாக தங்களுடைய நற்பெயரை இழந்து விட போகிறீர்கள். இதனால் ஆதாயம் அடைய போவது தமிழின துரோகிகள். மாண்புமிகு முதல்வர் தனது நிலையை மாற்றிக்கொண்டால் மக்கள் அவரை வரவேற்பார்கள்.

இது எப்படி இருக்கிறது என்றால் மகளை திருமணம் செய்து கொடுத்து விட்டால் பெண்ணுக்கு தந்தை இல்லை என்பது போல இருக்கிறது

அப்படியானால் படத்தை தயாரித்தவர் யார்? ஜெயா டிவி க்கு விற்க வேண்டும் என்றால் விநியோகஸ்தரை தான் கேட்க வேண்டுமா ? கமலை கேட்க வேண்டுமா ? வக்கீலின் வாதம் சரியல்ல

படத்தை விற்றுவிட்டதால் வழக்கு தொடர உரிமை இல்லை என்றால், வாங்கியவருக்கு நஷ்டம் ஏற்பட்டால் அரசாங்கம் கொடுக்குமா?

தமிழக அரசுக்கு கமல் மீது என்ன கோவம்.., விளம்பர உரிமையை JAYA TV க்கு தராமல் VIJAY TV கொடுத்ததுதா?

அர்த்தமில்லாத வாதம். வாங்கியவர், வீட்டில் போட்டு பார்க்கவா வாங்கினார்?. வெளியிட முடியாத போது வாங்கியவர் எந்த எதிர்பார்ப்பில் வாங்கினாரோ அதை நிறைவேற்றி கொடுப்பது விற்றவரின் பொறுப்பு அல்லவா ?

அந்நியாயம் பண்றீங்க ...இப்படி ஒருத்தர அநியாயத்துக்கு அரசியல் லாபத்துக்கு பலி ஆகிடீங்க...இது எங்க போய் முடியும்னு தெரில...தமிழ்நாட்ல தமிழனுக்கே மதிப்பு இல்ல மரியாத இல்ல .....கமல் ஹாசன் எவ்ளோ மன உளைச்சலுக்கு ஆளாகி இருப்பார் .....இங்க யார் ஆட்சி நடக்குதுன்னு தெரியல....THIS TR IS NOT GOOD FOR TAMIL NADU...THEY COME TO ROAD FOR EVERYTHING AND THEY WILL THREATEN IN THIS WAY HEREAFTER....

எல்லோரும் பக்கத்து மாநிலத்துக்கு போய் படம் பார்க்கலாம் அல்லது விரைவில் திருட்டு VCD வந்துவிடும்

ஜனாதிபதி ஆட்சி உடனடியாக அமுல் படுத்தவேண்டும். சட்டம் ஒழுங்கு சீர்குலைந்து விட்டது. .மாவட்ட அட்சியர்களே அதற்கு சாட்சி .ஒரு படத்தை திரையிட முடியவில்லை . என்ன கொடுமை சார் இது

ஆக.......கமலுக்கு....... சிரித்துக் கொண்டே......... ஏற்கெனவே குழி தொண்டியாச்சு....

படத்தை விற்று விட்ட கமலுக்கு வழக்கு தொடர உரிமை இல்லை.... வாஸ்தவமான வாதம் தான்... ஆனால் நாட்டையே விற்று விட்ட அரசியல்வாதிகளுக்கு ஒட்டு கேட்க மட்டும் உரிமை இருக்கிறதாக்கும் ? ??

படத்தை சென்சர் போர்டு அனுமதித்து விட்டது. அதை தடை செய்ய உனக்கு என்ன உரிமை இருக்கிறது...

அல்லிராணி ராஜ்ஜியத்தில் ஆதங்கவாதிகளின் ஆட்டம் தான்.. கோமளவல்லியின் ஆட்சியில் கொலைகாரன் கொட்டம் தான்.. முட்டாள்களின் ஆட்சியில் மூளை உள்ளவனுக்கு உரிமை இல்லை தான்...

மேலும் சிலரது கருத்துகள்:-

---
Dhanabal
விஸ்வரூபம் படத்தின் மூலம் நல்ல இதயம் படைத்த
அனைவர் மனதிலும் , கமல் விஸ்வரூபம் எடுத்து நிற்கிறார்
என்பது மறுக்க முடியாத உண்மை....
-
இந்த விஸ்வரூபம் படத்தை தடை செய்ய சொல்லி போராடும்
இஸ்லாமியர்கள் என்ன காரணத்தை முன்வைகிரார்கள் என்று
பாருங்கள்.

இந்த நாட்டில் இஸ்லாமியர்களும் ஹிந்து மற்றும் கிறிஸ்த்துவ
சகோதரர்களும் மாமன் மச்சான் என்று பேசி கொண்டு இருக்கிறோம்.
அதற்கு குந்தகம் விளைவிக்க கூடிய இந்த படத்தை தடை செய்யுங்கள்
என்று தான் இஸ்லாமியர்கள் சொல்கிறோம்.

வடிவேல் ஒரு காமெடியில் சொல்வார் உனக்கு வந்தா ரெத்தம்
எனக்கு வந்தா அது தக்காளி சட்னியா என்று ? கேட்பார் அதை
போல தான் உள்ளது உங்களது நடவடிக்கையும். தயவு செய்து
ஹிந்து சகோதரகள் எங்களது போராட்டதிற்கு ஆதரவு தரவில்லை
என்றாலும் பரவாயில்லை

தயவு செய்து இந்த பக்கத்தில் தவறான கருத்துகளை பதியாதிர்கள்.
இந்த பக்கம் வேறு ஒரு நோக்கத்திற்காக ஆரம்பிக்க பட்ட பக்கம்
தயவு செய்து அனைவரும் ஒற்றுமையாக செயல்படுவோம். ....
-
====================================